كان يومها يوم معرفت انى بجد مش طبيعيه يا ترى هو ده الحب لما الاقى نفسى بافكر فيه و اعيط من كتر ما انا حاسه انه واحشنى مع انه لسه قافل معايا على الموبايل
فى الاول كنت واخده منه موقف و حاسه انه مغرور على الفاضى يعنى بالاصح واد كده مش تمام و ان ليه يعنى البنات كلها واخده بالها منه فقلت مش مهم اصلا اعرفه لانه بجد ميستاهلش لحد ما حصل مصادمه بينى و بينه ايوه مصادمه فظيعه اتخانقنا على بحث كانت دكتوره طالباه من ست بنات و انا معاهم و منه معانا
انا و البنات مش لقينا حاجه فى الموضوع بتاع البحث فقلنا نسأله و بما ان انا كنت اللى مش بيهمها رأى ولد فيها لان مش فارقه اتقدمت منه و سألته بمنتهى الجراءه انت عملت ايه فى بحث الدكتوره ده كان سؤالى ليه
لقيته فعلا واد جرئ جدا و مش يهمه حد بيقولى انا ملقيتش حاجه فى البحث ده فعملت فى موضوع تانى و هاديه للدكتوره و خلاص و يبقى الموضوع خلص
طبعا انا مسكتش روحت للدكتوره و قلتلها يا دكتور انا و زميلاتى ملقيناش حاجه عن البحث اللى حضرتك طالباه مننا ممكن نعمل بحث تانى ؟ طبعا الفكره دى اخدتها منه عادى يعنى فكره عجبتنى المهم لقيتها بتقولى اوكى بس راحت ادتنا اسم لبحث تانى و قالتلى انتوا تعملوه و الولد اللى معاكم كمان طبعا انا روحت فى لحظتها قايلالها ده الولد ده عمل فى موضوع تانى خالص من دماغه و بيقول مش هيعمل غيره .... عارفه ان هنا انا غلطت المهم لقيتها بتزعق و قالت مش هاخد منه البحث و فجأه بعدها بدقايق لقيته جايلى يقولى ايه اللى انتى قولتيه للدكتوره ده انتى مش من حقك تنقلى الكلام و تخبصى عليا .... طبعا انا مسكتش قلتله يعنى انا اخبص يعنى الموضوع كله جه بالصدفه انت مين عشان اصلا اخبص عليك او مخبصش
لقيت واحده معايا عينها منه فحبت تتعرف عليه فدخلت فى الموضوع و راحت قالتله كده زعلتها هى زعلانه من كلمتك ليها و بتعيط .... طبعا ده محصلش بس انا اتضايقت ان واحد زى ده يقولى انا انى باخبص حتى من غر ميعتذر طبعا بعد معرفت اللى صاحبتى عملته زعلت معاها و زعقتلها و لقيته جاى يعتذرلى و يقولى ما محبه الا من بعد عداوة انا عايز نكون اصحاب ممكن ؟؟
طبعا كان جراءه فقلتله مفيش و لسه مكملتش لقيت صاحبتى بتقوله طبعا انت من دلوقتى صاحبنا .... صراحه كده انا عمرى ما صاحبت ولاد لانى مفيش صداقه بين ولد و بنت المهم هو مصدق و ادانى رقم موبايله و بدأ يجيبلى اسطوانات عليها ابحاث و يساعدنى فى ابحاثى و يعنى يعمل كم حركه جدعنه لحد ما وثقت فيه و فعلا اعتبرته صديق و عرفته على صديقاتى الاتنين
بدأ يتصل عليا و يسألنى فى كذا حاجه لحد ما بقت الاتصالات يوميا و المذاكره مع بعض و هزار فى موضوع انى انا و هو عكس بعض و بنتخانق علطول و ان اللى بيتخانقوا فى الأخر بيحبوا بعض و ان شكلنا كده هنحب بعض فى الأخر ..... واد ايه مالوش حل بيعرف يدخل للبنت ازاى صح
المهم فضلنا اصحاب و بدأ يحكيلى عن كل حاجه فى حياته و طبيعى انا كمان احكيله عن كل حاجه مش هتتخيلوا كنت بارتاح معاه بطريقه مش طبيعيه لدرجه ان كنت بقوله انا بافكر ازاى و بحس بايه و نفسى فى ايه و ايه كانت احلامى و حبيت مين قبل كده و لما اشوفه بحس بايه .... يعنى كل حاجه لحد ما اليوم اللى قولتلكم عليه ده جه .... فى يوم فجأه و انا فى الشغل لقيت نفسى بافكر فيه و باسمع اغنيه حبك علمنى لايهاب توفيق و باعيط باعيط جامد اوى و انا بافكر فيه
و انا مروحه فى اليوم ده كانت تلات عربيات هيخبطونى لانى ماشيه سرحانه بافكر فيه و باتخيله و قلبى واجعنى لانى حاسه انه واحشنى اوى اوى
بعدها حسيت انه بيهتم بيا اوى و بيخاف عليا و بيغير عليا كمان
هو كان قايلى على واحده بيحبها و انا كنت اعرفها بعد معرفته هو عرفنى عليها و ادانى رقمها عشان اصالحهم كم مره و كانت فى بينهم مشاكل بس صراجه هو كان قايلى انه بيحبها اوى و ناوى يتجوزها
بس انا مكنتش قادره كان كل يوم يفوت احس انى بحبه اكتر و اكتر بكتير لحد ما فى يوم مقدرتش لانى مكنتش باعرف انام من التفكير فيه و لا بعرف اكل و لا اذاكر و لا افكر فى اى حاجه لانى علطول بافكر فيه
كنت اعمل ايه قلتله انا محتاجه اقولك حاجه ضرورى اوى و كنت مكسوفه مووووووووووت المهم قلتله انا معجبه بيك بجد لقيته اتصدم قالى انتى انتى بتكرهينى انتى مش بتطيقينى انتى ازاى ده انتى مبيعجبكيش اى تصرف من تصرفاتى انتى عارفه عنى حاجات المفروض تكرهينى بعدها انتى بتهظرى صح صح و فضل يضحك و يقولى حرام عليكى متهظريش كده تانى
المهم انا طبعا كان باين عليا مبهظرش خالص لقيته سكت خالص و قالى مش عارف اقولك قلتله متقولش حاجه انسى كل كلمه قولتهالك
لقيته حصلتله حاله فظيعه ارتبك بعدها بكام يوم و معدش بيعرف يعمل اى حاجه و كل شويه يتصل و يسكت و ميعرفش يقول حاجه و بعدها بيومين تقريبا ساب التانيه و قالها مش هاكمل معاكى و بعدها انا مقدرتش اعامله بالطريقه اللى كان عايزها يعنى احب فيه و يحب فيا من غير ارتبط رسمى يعنى طبعا كل حاجه اتغيرت و قالى انتى خلتينى اسيب التانيه و لخبطتى حياتى ليه عملتى كده ليه جيتى فى الوقت ده بالذات و تقوليلى حاجه زى كده
قلتله محدش قالك تسيبها و لو انت مش بتحبنى يبقى كلامة مكنش يفرق معاك ايه اللى خلاك تسيبها طبعا معرفش يرد
المهم فضلنا اصحاب و فضل يقنعنى ان اعامله كحبيبى و انه يعاملنى كحبيبته لحد ميبقى جاهز انه يجى يتقدم ليا
صراحه انا كنت عارفه عنه انه ممكن يكلم تلات ستات مع بعض و يقولهم كلهم فى نفس الوقت انه بيحبهم مع انه مش قالهالى خالص عشان كده عرفت انه بجد بيحبنى بس برده معرفتش اثق فيه فرفضت اى فكره عن ارتباط عاطفى قبل الارتباط الرسمى
هو كان محتاج ست فى حياته لانه ميقدرش يعيش من غير ست فى حياته
عرفت انه مش مناسب ليا بالرغم انى فضلت شهور باعيط كل يوم لانى مش قادره مسمعش صوته كل يوم لانى مش قادره مفكرش فيه مش قادره اعيش من غيره
مكنتش بانام و لا كنت باكل يااااااااااااااااااااااااااه كنت باتعذب و اتصل بيه و اعيط و انا باكلمه لانه واحشنى و مع ذلك مش هاقدر اخليه يبقى حبيبى لانه مينفعش اثق فيه و لا عايزة اتجوز واحد زيه بس بحبه
انتوا ايه رأيكم يا ترى ممكن يكون ايه الحل ؟
